బ్లాగు లోకానికి వందనం

మంచు కొండలలో,టీ తోటలలో, తాకుతూ పోయే మబ్బులలో సీతాకోక చిలుకలా, అమాయక జింక పిల్లలా పెరిగిన ఒక తెలుగు అమ్మాయిని. నా భావాలను మీతో పంచుకుందామని బ్లాగులోకి వచ్చాను. తెలుగు బ్లాగులు ఉన్నాయని ఇంత కాలం తెలియదు. పేరు చూసి భయపడకండి. జమ్మూ కాశ్మీర్ లో మా నాన్న గారు ఎక్కువ కాలం పనిచేసారు. అందుకని కాశ్మీర్ కలిసోచ్చేలా, నా అభిమాన రచయిత యండమూరి పేరు గుర్తొచ్చేలా ఈ పేరును ఎంచుకున్నాను. ఆడపిల్ల అంటే కాశ్మీరంలా ఉంటే మంచిదే. కాని ఈ రోజులలో కాష్మోరీ గా ఉంటేనే సమాజంలో ఆడపిల్లకు రక్షణ. కాదంటారా? కాదనర్లెండి. నన్ను ఆదరిస్తారు కదూ.